Para facilitar a aprendizaxe a distancia durante as semanas de peche dos centros educativos, estas plataformas educativas ofrecen todo o seu contido didáctico e recursos para docentes e para familias de forma gratuíta.
Esta é unha fonte de recursos inesgotable para toda a comunidade educativa, elaborada polo profesorado galego de xeito altruísta. Ademáis de incluír tódolos niveis e materias, abrangue a educación emocional, o amor pola lectura e mesmo un recanto especial para os nosos MAIORES.
Seguramente xa se empezan a esgotar as nosas ideas de xogo cos máis pequenos... Velaí unha axudiña!
xoguemos!!
Hoxe 27 de marzo, ás 20:00h, estrénase un especial de 60 minutos, que reúne os momentos máis especiais de tres dos seus icónicos espectáculos: Kurios -Cabinet of Curiosities-, O y Luzia, dirixidos ao público de tódalas idades.
Entradas
A partir de hoxe, o noso querido alumnado poderá escoitar unha incrible colección de historias en seis idiomas diferentes, que os axudará a seguir soñando mentras aprenden. É de balde.
ESCOITA AQUÍ
O noso queridísimo profe Ico do CEIP Plurilingüe de Luíntra vainos contar o conto da SELVA con moitísima arte e salero. Desfrutade!!
VER O CONTO DE ICO
Nais e Pais: estes días de confinamento poden traer rozamentos na relación cos fillos e fillas. A psicóloga Helena Alvarado e o terapeuta Mauro Bólmida van asesorarnos a través dun SEMINARIO GRATUÍTO este venres 27 de marzo as 19.15 horas.
Dádevos présa, as prazas voan!
1. Dividir unha tarefa grande en tarefas pequenas
Unha tarefa grande require demasiada concentración e disciplina, crea resistencias, así que sería unha idea boa dividila en tarefas máis pequenas, co que se consigue unha sensación de progreso
2. Reducir distraccións
Ser especialmente precavido coa música alta, a televisión, o son das mensaxes de whatsapp, ruídos, e calquera outra cousa que poida distraer a atención.
3. Facer os deberes á mesma hora cada día
Repetindo a mesma actividade cada día na mesma hora, faise o hábito. A mente saberá que o tempo para deberes chegou, e o rapaz ou rapaza vai estar máis aberto a estudar. No mesmo sitio a poder ser: zona tranquila, cómoda e ben iluminada.
4. Posibilitarlles bastante actividade física
Algunha actividade física como correr, bricar, subir escaleiras, mesmo Ioga, serve de desconexión e brinda enerxía extra para enfrentarse despois ao traballo duro.
5. Marcar un tempo para a finalizar un obxectivo
Hai que marcar un tempo para rematar a tarefa: 20 min, 40 min... depende da idade e da dificultade. Debe ser axustado para non agobiar aos rapaces nin demasiado extenso como para aburrilos.
6. Deixar algún tempo antes de empezar unha nova tarefa
Que lle dea tempo a imaxinar o seguinte que ten que facer e a maneira en como se vai organizar.
7. Subliñar, facer esquemas e resumir
Estas tarefas axudan moito aos nenos que se distraen con facilidade e non son capaces de soster a concentración.
8. Aumentar a motivación con comentarios positivos
A estas idades, ademáis, é fundamental que o neno aprenda a autorreforzarse, é dicir, que el mesmo se felicite polo traballo ben feito á vista dos resultados.
9. Traballar con exercicios creativos
Exercicios variados, non repetitivos, rechamantes e novos. Estes chamarán a atención do neno e manterano concentrado e atento. É máis probable que o neno estea atento se non facemos sempre o mesmo tipo de actividades.
10. Exemplos de xogos e exercicios
Os crebacabezas, copiar debuxos para fixarse nos detalles, mandalas, labirintos, sopas de letras, xogos de memoria e de parellas, aprender letras de poemas, cancións, trabalinguas, buscar diferenzas, debuxos con números, naipes, dominó, xogos de mesa, debuxos abstractos, puzzles...
Neste vídeo de Guiainfantil.com a nosa compañeira fálanos brevemente sobre as diferenzas entre nenos distraídos e inquedos (minuto 1.00) e móstranos trucos e xogos para mellorar a concentración dos máis cativos (desde o minuto 1.40 ata o minuto 6.30).
Espero que vos sirva como complemento ameno do artigo anterior.
Os contos con valores son unha ferramenta fundamental para que os máis pequenos aprendan valores como a humildade, a empatía e o esforzo.
Os contos con valores que ofrece Audio Cuentos Infantiles son adecuados para todo tipo de nenos e nenas, e supoñen unha axuda para explicarlles situacións da vida cotiá e dilemas morais que vaian xurdindo.
Os valores tamén son unha parte fundamental da Acción Titorial, moi presente na actuación diaria dos profes no cole.
PREME AQUÍ
O Colexio de Psicólogos de Madrid difunde este entretido conto para explicar o coronavirus aos nenos e nenas de entre 4 e 10 anos.
Ler
Ler
Esta é unha Guía do Concello de Tres Cantos, que ordena un pouco as actividades que nos están a ofrecer estes días dun xeito claro e sinxelo: visita a museos, pelis, libros, ópera, talleres, xogos... Veña, imos desfrutar!
Se queres empezar, preme aquí
